Се одржа втората работилница, која е дел од проектот „Биди креатор на својата автономна зона – Младински Центар“, со цел да им се овозможи на младите да дадат коментари, сопствени идеи, мислења и ставови во однос на  иновативната иницијатива (Отворање на Младински Центар во Прилеп).

На 27 јануари 2023 година се одржа настан за свечено започнување на проектот „Зајакнување на луѓето од Пелагонија - 2“, на кој што Младински Совет Прилеп потпиша Меморандум за соработка заедно со 9 други партнери од Пелагонискиот регион и Про Локал од Битола.

Ја одржавме првата средба со младите лица за да ги објасниме главните фази на процесот, целите и потенцијалните придобивки од учеството од самотценување на компетенциите кои ги поседуваат. Преку валидација на компетенциите на младите првенствено ќе помогнеме во подобрување на можностите за вработување со нивна зголемена способност за идентификување и опишување на сопствените компетенции.

Проектот „Претстави се себе си (#introduceYouthSelf) Младински Совет Прилеп го спроведува под водство на Associació PROSEC од Шпанија, а во партнерство со Fundacja Sempre a Frente од Полска, Foroige од Ирска, Sdruzhenie Walk Together од Бугарија, Universidad De Lleida од Шпанија и е поддржан преку програмата Erasmus+, Клучна акција 2, Стратешко партнерство и иновации.

Се одржа првата работилница, како дел од проектот „Биди креатор на својата автономна зона – Младински Центар“.

На  20 јануари 2023 се одржа ориентациона обука за новата група на волонтери кои сакаат да се вклучат во активностите на Младински Совет Прилеп.

Сакате да ја посветите вашата енергија, знаење и време за да го подобрите животот на децата, младите и различните ранливи социјални групи?

Дали сакате да поминете 12 месеци во прекрасен, живописен, средновековен град во една од најмалите, но европски земји?

Дали би уживале во можноста да станете активен дел од локална заедница?

Потребен е волонтер за учество во волонтерски проект во Шкофја Лока, Словенија. Волонтерот ќе биде вклучен во работата на 1-2 организации активни на полето на млади, социјална грижа, превенција и образование (4 Дневни центри за деца и млади, 3 училишта, Проектно учење на млади...).

На тој начин волонтерот ќе има можност да ги покаже и подобри сопствените способности, да развие чувство за иницијатива, да стекне нови вештини и да добие нови знаења преку организирање и реализирање различни активности (работилници, курсеви, индивидуална поддршка, спорт, игри, претстави, презентации, предавања).

Волонтерот ќе биде сместен во стан лоциран на главниот плоштад Шкофја Лока, во еднокреветна спална соба со заедничко готвење, перење. На волонтерот ќе му биде обезбеден месечен надоместок за храна (196 €), месечен надоместок од 150 €, велосипед и билети за јавен превоз (по потреба).

Волонтерот треба да биде мотивиран, флексибилен, трпелив, креативен, слободоумен, самоиницијативен, комуникативен, заинтересиран за работа со деца, адолесценти и да знаат да зборуваат англиски. Способност за музика, спорт, рачни активности, рачни изработки, танци, уметност, мултимедија исто така би биле погодни. Идниот волонтер треба да внесе свои идеи во проектот и да биде подготвен да креира, планира и реализира сопствени проекти.