Сакате да бидете дел од промената во општината?
Ви претставуваме можност да се приклучите кон Локалниот младински совет на Општина Кривогаштани!
Зошто да се приклучите?
Локалниот младински совет е можност каде што вашите идеи и предлози имаат влијание! Имате можност да влијаете врз одлуките кои се однесуваат токму на вас.
Локалниот младински совет има значајна улога за младите од заедницата, и треба да има разбирање за проблемите на младите, за барањата кои младите ги имаат, да им овозможи да се слушне нивниот глас и да бидат препознаени од страна на младите.
Улогата на Локалниот младински совет
- Да ги консултира младите за младински прашања и приоритети;
- Да ги информира младите за донесените измени и одлуки од страна на Советот на Општината за прашања поврзани со младите;
- Да го поттикне и промовира активното граѓанско и учество на младите;
- Да ги вклучува младите во донесувањето одлуки за младински прашања;
- Да промовира меѓусебна почит и разбирање за младите, промоција на инклузија и диверзитет.
Видете го целиот повик тука: https://krivogastani.gov.mk/?p=6322
Рок за пријавување: 31.01.2024
Со гордост објавуваме дека Младински Совет Прилеп, во соработка со Општина Кривогаштани, обезбеди техничка и административна поддршка при подготовка на овој процес.
Проектот „Младинско учество за одржлив развој на руралната заедница“, спроведуван од Младински Совет Прилеп, е финансиран од Европска Унија, преку проектот „Потпри се на младите“, спроведуван од “Македонска развојна фондација за претпријатија”, „Рурална Коалиција“, „Џуниор Ачивмент“ и „ЕЛИТ- Здружение на жени менаџери Скопје.