Зајакнување на младинското учество преку обука за застапување

Во рамки на проектот „Младински политики по мерка на младите“, беше реализирана обука на тема „Застапување и учество во носење одлуки“, насочена кон унапредување на капацитетите на младите и граѓанските организации за активно вклучување во процесите на донесување одлуки и застапување на младинските интереси на локално ниво.

Обуката овозможи продлабочено запознавање со законската рамка за младинско учество и младински политики (ЗМУМП), со посебен фокус на механизмите што овозможуваат структурирано и ефективно вклучување на младите во креирање локални политики. Преку интерактивни методи на работа, дискусии и симулации на комуникација со носители на одлуки, учесниците ги унапредија своите практични вештини за застапување, аргументирање и преговарање.

Посебен акцент беше ставен на улогата и функционирањето на Локалниот младински совет, како значаен механизам за младинско учество на локално ниво. Учесниците работеа на креирање акциски насоки за понатамошни чекори, како и на идентификување на потребната менторска поддршка и идни обуки со цел обезбедување одржливо и ефективно младинско вклучување.

 #CHinMK #CivicaMobilitas