Обука за теренски работници и регионални координатори за Гаранција за млади

Обука за теренски работници и регионални координатори за Гаранција за млади

Младински Совет Прилеп е дел од тимот за спроведување на Гаранција за млади во Прилеп.

На 7-ми и 8-ми мај во Струга, Коалиција на младински организации СЕГА организираше Обука за теренски работници и регионални координатори за Гаранција за млади кои ќе работат во Пелагониски, Вардарски, Полошки и Југозападен регион.
На обуката учество зеде и Младински Совет Прилеп како регионален координатор за Пелагониски регион во спроведување на теренски активности за младинска гаранција.

Мерката Гаранција за млади им овозможува на младите лица до 29 годишна возраст, кои не се вработени, ниту вклучени во образование или обука (NEET), да добијат соодветна понуда за работа, да го продолжат своето образование или да бидат вклучени во некоја од активните програми и мерки за вработување, во период од 4 месеци по нивното евидентирање како невработени лица во АВРМ.

Во рамките на Гаранцијата млади има и теренски работници коишто на терен информираат за Гаранцијата за млади и им даваат поддршка на младите лица да се активираат на пазарот на труд.

Гаранцијата за млади започнува со мерките за активација на младите лица кои за првпат се евидентирани како невработени лица – активни баратели на работа (прилив). По евидентирањето во регистарот на невработени лица, лицата веднаш се упатуваат на нивното прво интервју со вработени во Агенција за вработување, кои вршат профилирање на нивната вработливост, користејќи контролен прашалник и изготвуваат Индивидуални планови за вработување. Овие планови ги дефинираат активностите кои му овозможуваат на младото невработено лице, во период од 4 месеци, да биде повторно вклучено во образовниот процес (не во редовното образование) или да биде вклучено во некоја од активните мерки или услуги за вработување, кои ќе му овозможат да ги зголеми своите можности за вработување или да му биде понудено соодветно вработување кое одговара на неговото образование и вештини. Активностите вклучуваат групно и индивидуално советување; обезбедување услуги за помош при барање работа; мотивациски обуки; вклучување во некоја од мерките за интеграција на пазарот на трудот (вработување, образование и мерки за обука).

#EuropeanYearOfYouth #youth #training

 


Print   Email